滿屋日本料理 (大埔超級城C區)

營業中

休息中

以前要去食放題都要去到旺角,喱派經常係係大埔區流連, 發現係大埔超級城樓下都有一間放題叫做滿屋日本料理~係門外睇佢既放題分成4個等級, 由於本人同男朋友都覺得經典既A放題已經有74種食物, 夠食有突, 就試一試喱個經典放題先~~入場可以見到入口位置有小朋友鐘意既糖果﹑朱古力噴泉﹑炸雞薯條, 亦有沙律區同甜品區, 至於飲品﹑清酒﹑湯等等全部都係自取既~不過黎到緊係要食左刺身壽司先啦, 一黎就乜都叫左D先, 帶子﹑赤貝﹑北寄貝﹑三文魚﹑赤蝦﹑象拔蚌等等, 不得不讚一讚滿屋, 我地叫左幾多就黎足幾多, 少少都冇漏呀~本人非常喜歡叫貝類, 可惜放題餐廳既貝類一般都唔會好出色, 但滿屋既帶子﹑北寄貝等刺身隻隻都好肥美鮮甜! 刺身魚類亦比一般既放題店厚身肥美有魚香味,GOOD!壽司亦有好多選擇, 而且欣賞滿屋既壽司飯新鮮,而且飯比上面既食材細舊好多, 食多幾件都唔會覺得食左好多飯好飽XD 男朋友覺得蟹籽壽司既蟹籽好新鮮好食, 份量大方, 我個人就最喜歡鰻魚﹑吉列蝦﹑軟殼蟹壽司~ 炸既食材食落新鮮似即炸, 牛肉壽司都有驚喜, 牛肉香味同壽司好夾, 可以一試~~不過喱到既特別之處係竟然中菜都好好食XD