睿日本料理 (已結業)

日本料理係我至愛，成日搵啲好既日本餐廳去試，之前聽住大坑既朋友介紹左叫睿既幾間餐廳，都非常好食。今晚黎到睿日本料理，見到個餐牌係$780一位既盛宴，咁遠過黎食，一定要食豪啲。結果每一道菜都有唔同既驚喜，前菜酸酸地既味道，個魷魚又非常爽口新鮮，最重要係杯梅酒，連我唔好酒既人都覺得好好飲，味道同啲食物又夾。之後既刺身唔洗講都知好新鮮，到鐵板燒既和牛，印象非常深刻，因為我食得慢，到我放入口既和牛雖然已經凍左，但我仍然覺得個味道係令人眼前一亮，而且仲係入口即溶。成餐飯都食得好開心，服務員會介紹每一碟餸，同埋教我哋點樣食，我會推薦比身邊啲朋友過嚟食。