睿海御宴 (已結業)

大坑隱藏咗好多好嘢食上星期朋友帶我去大坑食私房菜睿海御宴🐲以大坑舞火龍為主題門口上樓梯牆上畫上一條好長嘅舞火龍壁畫好逼真 畫上好多仔細位餐廳主打高質粵菜 會因應時節製作唔同嘅美食環境雖然唔算好大 但坐得舒適前菜有✨醋香涼拌木耳 ✨木耳好大塊 味道酸酸甜甜 好開胃✨溏心皮蛋豆腐 ✨豆腐加入溏心皮蛋碎粒 配埋芝麻醬✨豐料功夫湯✨當晚嘅湯係🥥海底椰墩水鴨湯湯料十足 有豬肉、雞腳及水鴨肉等湯味香濃 由茶壺倒入細杯慢慢飲✨家鄉煎蠔烙✨同一般蠔餅唔同 呢個蠔同埋蛋為主 冇粉漿蠔餅份量好大 有好多蠔仔同大葱 好食又飽滿如果想減低油膩感 可以點醬汁或者同蘿白絲一齊食✨籠仔煲仔糯米飯係必點嘅招牌菜式 膏蟹好大隻仲有好多好多蟹膏荷葉包住糯米飯糯米飯吸哂臘肉、蝦米同埋竹籠嘅香味✨薑汁芋頭蕃薯糖水薑味好重 飲完可暖胃 補益氣血