在家居酒屋 (已結業)

點解話隱世呢，呢到一條街都係啲村屋茶餐廳，估唔到最近開左日本野，見到塊靚靚壁畫先留意到！餐廳近顯徑站，如果大圍站過黎要轉巴士或者小巴，唔係既話要行20至25分鐘！🔸燒味噌牛腸串🐮見呢到咁特別有牛腸，叫左黎試下！估唔到又幾好食，搽左味噌黎燒，食落幾入味甜甜地。牛腸質感彈牙無咩肥膏，同豬大腸完全唔同，好有嚼勁！🔸鹽燒雞翼串燒得好香，不過係單邊雞翼，全隻會好啲😛🔸明太子玉子燒😋玉子燒加左明太子醬同木魚絲，同啲玉子好夾，想食多串🤣🔸旋風滑蛋炭雞丼🐣賣相係好靚既旋風滑蛋😍炭燒雞扒就係滑蛋下面，一揭開就見到。雞扒用照燒汁燒過，相當入味。半熟滑蛋汁加埋味素同食到少少明太子醬，味道好豐富😋🔸醬油海膽冷烏冬😍想食海膽所以叫呢個🤪海膽新鮮而且份量都多，疊住有兩大舊。隻溏心蛋都好好食！有碗醬油用黎點烏冬，食落好清新，加上係冷烏冬，好啱宜家夏天食！