賀喜 (雲疊花園商場) (已結業)

今年暫時都未有時間返"鄉下" 對於東京既魚生刺身 小妹實在係非常牽腸掛肚 小胖男友見我成日發牢騷 就係openrice四圍搵好既刺身帶我食上個禮拜佢就帶左我去宏疊花園試左呢間賀喜我地點左半份池魚, 大拖羅, 仲有甜蝦大拖羅超肥美入口即溶雖然一人一件真係唔係好夠喉 但係大圍都食到咁既質素既大拖羅仲想點池魚肉質非常新鮮 入口超爽口即使同大拖羅相比都一d唔輸蝕唔點wasabi 改點餐廳特別調制,薑味既汁 又別有一番滋味土佐豆腐外脆內軟蕃薯同南瓜天婦羅都做得唔錯 唔會太厚粉同油膩另外仲叫左個清酒煮蜆 小胖男友就略嫌較重海水味 但最鐘意食貝殼類,又識食既小妹我就認為呢d叫鮮甜味最後食埋餐廳推介既鯛魚湯烏冬 奶白色既鮮魚湯底 食完成個人都暖笠笠 好滿足無諗過大圍都有咁既質素既日本餐廳 今次真係要讚下小胖男友