捌哥‧馬拉籽 (已結業)

位於大圍嘅❣︎捌哥·馬拉籽❣︎主打馬拉菜，之前喺深水埗店人氣十足👍🏻，而家進駐埋大圍人氣依舊，今晚全場滿場，不斷有人等位等外賣👏🏻厲害👍🏻❣︎細滲❣︎$106呢到嘅肉骨茶係無限添飲架😍呢個細滲材料豐富，有三層肉，一字骨，豬腳，雞腳，豬肚，豆卜金菇，啖湯非常濃郁，飲完成身暖笠笠。❣︎鮮牛油咖央多士❣︎$38個多士超香脆🤤厚切嘅牛油加埋咖央醬味，回味無窮。❣︎芽菜雞配白飯❣︎92爽彈芽菜鋪底，雞肉嫩滑，加埋特製嘅醬油同麻油，超好送飯，呢度重有5種唔同嘅飯比你揀👍🏻好特別。❣︎檳城福建蝦麵❣︎84湯底濃郁鮮甜，配料有豬肉，鮮蝦，水煮蛋，通菜，魚片，配埋油麵來食滋味飽肚。❣︎美祿恐龍❣︎$30鋪滿一層美祿粉，再加上甜奶，又香又濃😋大人細佬都唔會抗拒。❣︎美祿熱飲❣︎$22又香又濃嘅麥芽味🙂‍↔️超正。