沙田新強記燒鵝海鮮酒家

營業中

休息中

新強記屬於係大圍既一間老字號，雞粥同燒鵝都係出名既小菜，今日就同家人一齊去酒家食返夠本。 雞粥雞粥口感都算綿滑，啖啖粥都帶有微微既雞油香，好易入口，雞既口感食落都算嫰滑，但就雞件比較細，整體都算好。 燒鵝燒鵝都算出名既店舖名物，叫左一個燒鵝例牌，食落外皮香脆，肉汁令口感更順滑，味道淳口，份量都算好夠。椒鹽九肚魚新鮮炸起，炸得好香脆，香脆得黎內裏都仲好軟滑，椒鹽味都好夠，送酒食配搭非常好。 雜菜煲通常食咁多肉就會想食返少少蔬菜，雜菜煲就係一個唔錯嘅選擇，有幾款菜，菜心啦白菜等等，配搭上湯，條條菜都好夠湯汁。燒乳鴿嗌咗一隻乳鴿，少少地試下佢。燒出嚟外皮都好香脆，味道都香口。總結味道都好好，環境都好寬敞唔會好逼，仲好有大酒家既裝修和擺設，好啱一家大細黎食做節食飯，一個唔錯既選擇。