大喜屋 (已結業)

之前已經幫襯過幾次，雖然每次都要喺樓下排好長龍先上到去，但係都係無阻我食大喜屋嘅決心。皆因呢度食材靚，價錢適中，絕對係物超所值。刺身款式好多，基本上大路嘅佢都有，淨係刺身蝦都有三款選擇，極度推薦極大赤蝦，肥美鮮甜 。其他刺身都好新鮮，件件都好肥美，絕對唔哂胃既quota。點左幾款唔同嘅壽司，質素OK，而且飯嘅份量唔係好大，絕對唔會有"讚" 飽你嘅感覺。另外我哋亦都點左啲炸物，有蠔、D24榴槤丸、雞翼、同埋炸香芋丸，樣樣都係新鮮上枱。尤其係個D24榴槤丸，不得了咁好食，所以我有encore左幾粒。除咗menu果張甜品紙之外，每位食客亦都有一個mike top 嘅order紙，俾你揀一款雪糕，我就揀咗清涼薄荷， 消一消啲熱氣，爽哂！