影片
更多
2009-03-30
85 瀏覽
細佬又要準備過返去加拿大繼續讀書，臨走前我提議不如去食返餐，細佬同阿媽提議我食粵菜，我決定去試呢間 - 西苑 - 銅鑼灣利園二期 (即嘉蘭中心)，雖然呢間係第一次去，但佢有一間分店喺太古城，水準亦都有返咁上下。訂了7:30枱，但係我地只係過咗兩分鐘，佢地已經打電話嚟摧，原來佢地真係好多客，好旺場。知客比咗一張頗大嘅六人枱我地，但係一座低，佢地已經拿拿聲擺好餐具，仲好似想我地即刻決定點咩菜，不過我地當然唔會理會佢，雖然佢地個個伙記都好想我地快啲點菜。今晚有兩個四人嘅set menu，其中一個有我細佬好喜歡食嘅片皮鴨($788)，二話不說阿媽同阿爸已經決定要呢個，但係後來部長說餐入面嘅片皮鴨同埋另一個餸已經冇得供應....你話有冇搞錯，7:30已經賣哂，咁夠竟幾早嚟至有得食呢，淨係佢地跟本就唔想我地叫咁平嘅嘢呢.1. 西苑大哥义燒 > 賣相本來唔係好好，表面好似燒得過火，又冇咩肥肉，點知一咬落去就不得了，肉質鬆軟，少少脆面，夠蜜味，而且個師傅應該係考究過切嘅size，因為雖然係厚切，但係仍然係唔覺大舊，因為夠鬆，仲有"大哥义燒"呢個名係Registered添，真夠誇張2. 土伏苓五
訂了7:30枱，但係我地只係過咗兩分鐘，佢地已經打電話嚟摧，原來佢地真係好多客，好旺場。知客比咗一張頗大嘅六人枱我地，但係一座低，佢地已經拿拿聲擺好餐具，仲好似想我地即刻決定點咩菜，不過我地當然唔會理會佢，雖然佢地個個伙記都好想我地快啲點菜。
今晚有兩個四人嘅set menu，其中一個有我細佬好喜歡食嘅片皮鴨($788)，二話不說阿媽同阿爸已經決定要呢個，但係後來部長說餐入面嘅片皮鴨同埋另一個餸已經冇得供應....你話有冇搞錯，7:30已經賣哂，咁夠竟幾早嚟至有得食呢，淨係佢地跟本就唔想我地叫咁平嘅嘢呢.
1. 西苑大哥义燒 > 賣相本來唔係好好，表面好似燒得過火，又冇咩肥肉，點知一咬落去就不得了，肉質鬆軟，少少脆面，夠蜜味，而且個師傅應該係考究過切嘅size，因為雖然係厚切，但係仍然係唔覺大舊，因為夠鬆，仲有"大哥义燒"呢個名係Registered添，真夠誇張
2. 土伏苓五指毛桃煲老鷄 > 呢個湯一飲就知係落足了嘅老火湯，唔多味精，之後亦無需大量飲水，夠火候
3. 馬拉盞牛肉通菜爽 > 牛肉係落咗鬆肉粉，但係又落得啱啱好，炒出嚟仍然有好香嘅牛肉味，啲菜作然好爽，而且係有少少辣，非常惹味，食到唔停得口，因為太好食，連最後一舊牛肉都清埋
4. 中式煎牛柳 > 亦都係落咗鬆肉粉，不過雖然肉質好嫩，但係表面就好似唔係點煎過，冇咩濃，唔係太香，洋蔥都係一睇就知未爆香，唔知係咪太趕時間呢
5. 西苑粉絲蟹煲 > 蟹有好多膏，一食就知係靚蟹，但係煲得過咗時，啲粉絲好乾了，又太多黑椒，蓋過哂啲蟹嘅鮮味，最敗筆嘅一個餸
總結：值得帶朋友一試，粵菜嘅一個好選擇，四餸一湯四個人$700，平均每人$175，一個餸平均$90，唔算便宜，但論質素論份量都算合理，最緊要好食嘛....
張貼
