螢壽司 (已結業)

今日，我同阿妹去行街;見到螢壽司，又心思思想食就走左入去食。啲餐具以黑同啡色為主;感覺好日式的感覺入到餐廳，見到餐廳有好多刺身;就叫左｢特選刺身盛」:馬糞海膽﹑牡丹蝦﹑螢光魷魚﹑油甘魚和間八;螢光就細細隻，但裡面好多膏:而且肉質鮮甜。本身我最怕食海膽，但佢竟然令我食完再食，軟綿綿的質感，味道小小甜。下面的的相片係間八，可以見到紋理都好清晰!但我比較鍾意食油甘魚，有少咬口!個牡丹蝦頭可以叫佢加落味噌湯度煲，飲落去好清甜;湯本身唔太咸，而且有豆腐同海帶!我好鍾意!之後我仲叫燒豚肉露筍﹑牛舌同鹽燒雞翼﹑特色燒廣島蠔﹑海膽芝士釀蟹蓋;雞肉烏冬同鰻魚飯。牛舌的肉質比較滑;豚肉露筍的露筍好爽口，佢的露筍本身水分 中和豚肉的油!食落去唔太溜。蠔上面有好多蒜粒，蠔都幾大隻，仲要原隻上:食落有蒜的甘香味，隻蠔好甜。芝士海膽焗蟹蓋，份量都少;蟹肉好足!食落芝士唔會太溜。鰻魚飯用木盒盛起，仲有蓋;未食到時可以keep住個温度。食落去完全無魚骨:魚肉質好淋，係我本人貪心，如果多鰻魚汁就最好啦雞肉烏冬的烏冬比出面扁身，雞絲都淋;佢用嘅的清湯，食落去無咩味精!