聖安娜餅屋 (已結業)

** 此食肆的第三個OK **尋日(7-1-2008 Mon)放工後,因要o黎新都會廣場攞o野,落o左車內進諗住上二樓之際,見到聖安娜同奇華,諗吓,係喎,買定麵包做今日早餐都好喎.先睇聖安娜,行到過去,都幾多款式,有兩款以粟米做餡,本來想買,但尋晚屋企食飯,我會自己炒粟米火腿,費事食厭,所以放棄o左.咁我見到呢個好大個o既麵包,先鎖定佢,再行入去睇,見到有鮮奶球,本來都想要,但頭先o個個咁大個,我怕食兩個會heavy o左(因為我o衣o家要減肥喇),於是又放棄呢個,只買頭先o個個,原來佢名為’特級法蘭克福腸包’,要$6.00個,好貴呢.不過都試吓啦.排隊等畀錢時,臭到好香茄汁味.買完都唔記得奇華,冇入去睇lu.返到屋企拎出o黎影相,美味o既茄汁揩晒o係膠袋o度啊,嗚嗚….不過又咁諗,少啲咪冇咁肥囉,哈哈!影完相一睇,咦?咁似個咀o既?o係舖頭睇o既時候又唔覺喎.呵呵呵.今朝拎出o黎食,條法蘭克福腸縮o左而令表面皺o左,呢個一定o既呢.食落,啲汁真係幾好味,而法蘭克福腸o既皮依然係脆脆地o既,其他都係普通,冇乜特別.咁就$6.00喇,麵粉荒都冇開始過;我今朝約6:15am食,到10:40