板長壽司 (黃大仙中心北館) (已結業)

曾經因為尖沙咀某分店難食到極點既食物影響心情，之後更因為想俾既實話實說惡劣評語過唔到OpenRice審批而傷感。從來食板長都只會食池魚、海膽同鰻魚，今次第一次試左大吞拿魚腩。色：淺粉紅色加埋脂肪嘅紋理的確好吸引，目測已經覺得佢應該會好好食。（習慣用口食所以無影相）香：無諗過索魚生。味：超級超級超級好食！！！魚油同肉既分佈令舊肉食落口好滑，魚油唔係左口魚裙邊嗰種油淋淋嘅感覺。食完成個人好開心，令到已經飽既我即刻著左後備緊急quota，想隊多2件！$26/件果然係好野，成功過左池魚王喺我心目中既排位！整體唔錯，新開始終比較好。唯一不足係d飯好實，實到似栥飯，感覺好百佳，飯入面欠肉鬆。