幸福班戟 (新城市廣場) (已結業)

等左好耐呢間大名鼎鼎既日本班戟開黎沙田，一開檔果陣超多人排隊，試過夜晚過黎，因為人太多而要截人龍而食唔到。熱潮過後，終於可以趁早收工，唔洗排隊就食到。因為唔偏好甜野，所以揀左試佢既兩款鹹班戟。班戟非常鬆軟，滲有超級濃郁既蛋香味，極高質。厚切煙肉亦都好特別，其他地方唔易食得到，而且佢將塊煙肉煎到超香。個人覺得個炒蛋唔算好特別，但芝士蘑菇奄列就好D，芝士香得黎，但又唔會太重味，同蘑菇奄列既味道出乎意料地夾。因為小弟始終唔太偏好甜野，所以下次黎都應該會揀番鹹班戟，而唔會嘗試佢既招牌甜班戟。