Owl’s Stage (已結業)

貓頭鷹做主題嘅西餐，乾淨企理，周圍好多貓頭鷹畫作/擺設，座位唔多，晚餐時段都幾full，book定會好啲，餐廳而家做緊優惠，身份證有相關英文字母會有優惠，可惜我中得一個字🤪~🔘巴馬火腿配蜜瓜沙律🔘紫薯忌廉湯作為前菜嘅沙律份量幾多，蜜瓜清甜~餐湯入口順滑creamy，想像中嘅紫薯湯應該係甜甜地，但呢度嘅湯係偏鹹少少~🔘燒美國豬肉眼扒兩大塊豬扒，唔算超厚身但都有一定厚度，半肥瘦，肉質軟熟，點芥末醬或燒汁都好食，配菜嘅炸蕃薯角幾有驚喜，口感外脆內軟，本身番薯都甜再加咗少少蜜糖更加正~🔘燒紐西蘭特級西冷扒厚身又大塊嘅西冷扒，燒得幾好有焦香，叫咗五成熟，切開見到粉嫩嘅顏色，唔亁有肉汁，肉質柔軟，肉味香濃，見朋友好快食完應該幾好食~🔘凍咖啡🔘凍朱古力泡沫咖啡咖啡味比重高過朱古力，唔太甜但有滿滿忌廉~