影片
更多
2010-05-17
39 瀏覽
星期日, 盡了我的公民責任, 便同家人前來位於烏溪沙站, 新開的稻香酒樓, 試一試新店. 來到, 人頭湧湧的, 因為大多利安居民, 都來試這新酒樓, 而且對翠蕹華庭, 銀湖天峰來說, 呢間係獨家飲茶地方. 所以開業不足一個月, 便搞到平時冇乜人煙既烏溪沙站, 尤其是巴士總站一角, 係星期日的午飯時段, 熱鬧起來.好不容易等到位, 期間因一些港男港女習慣行為, 場面"熱" "鬧" 非常. 女的鼓譟 (熱), 因為訂了檯要等. 男的火滾 (鬧), 因為佢張15人檯等了N個鐘. 我們要5人檯, 而且人齊等, 所以極之順利. 不用加入"熱" "鬧" 戰團.由爸點菜, 總有一些意外驚喜. 先來的腸粉沒什麼大不了, 兩條是叉燒, 一條是蝦. 但腸粉皮是可惜了, 太粘, 不太好食.意外驚喜 (1), 大包, 所謂大包易賣, 大錢難撈, 為求撈你一筆, 大包?! 誰會好似以前咁, 真係包羅萬有咁整隻大包益街坊. 大包易賣, 大錢難撈, 為求撈你一筆, 我用菜絲肉碎做餡, 實行一個菜肉大包. 大包的確易賣, 大錢的確冇撈, 但小錢就咁被擄掠了一小筆.意外驚喜 (2), 也是大包, 不過此包不如彼包. 此
好不容易等到位, 期間因一些港男港女習慣行為, 場面"熱" "鬧" 非常. 女的鼓譟 (熱), 因為訂了檯要等. 男的火滾 (鬧), 因為佢張15人檯等了N個鐘. 我們要5人檯, 而且人齊等, 所以極之順利. 不用加入"熱" "鬧" 戰團.
由爸點菜, 總有一些意外驚喜. 先來的腸粉沒什麼大不了, 兩條是叉燒, 一條是蝦. 但腸粉皮是可惜了, 太粘, 不太好食.
意外驚喜 (1), 大包, 所謂大包易賣, 大錢難撈, 為求撈你一筆, 大包?! 誰會好似以前咁, 真係包羅萬有咁整隻大包益街坊. 大包易賣, 大錢難撈, 為求撈你一筆, 我用菜絲肉碎做餡, 實行一個菜肉大包. 大包的確易賣, 大錢的確冇撈, 但小錢就咁被擄掠了一小筆.
意外驚喜 (2), 也是大包, 不過此包不如彼包. 此包是多了一個"魚"字做邊旁的. 沒錯, 是鮑, 一個價值$38的鮑魚撈飯.....隻鮑仔都唔知有冇40頭, 伴上一大舊飯, 西蘭花, 椰菜花各一小粒, 加上車厘茄, 飯上面再加少少鮑汁, 完成啦....那小小鮑汁, 撈飯也不夠. 大包易賣, 大錢難撈, 為求撈你一筆, 我來個迷你鮑魚撈大舊飯. 此物, 一上檯, 我同嫂子二人已經哈哈大笑, 當中我們亦留意下其他檯, 點了這個鮑飯的, 留意到, 當待應一放上檯, 打開個金鐘罩, 梗有人會心微笑一會, 而且忍不住不停微笑果隻. 大包的確易賣, 大錢的確冇撈, 但小錢就咁被擄掠了一小筆. 不過換來歡笑, 就算數吧.
之後是比較正常的點心. 一個上素炆魚肚. 味道清但鹹, 說是什麼特別點心, 我就覺得佢似綿花雞多一點. 不過此魚肚是未經炸過那一種魚肚.
牛腩, 若是要比, 我建議去麵檔茶餐廳食牛腩. 好明顯呢D只是腩邊, 又鞋又多韌既筋. 只係個腩汁好味, 我們用來撈事後補叫的一碗叉燒飯.
藥膳鳳爪, 好重當歸味的鳳爪. 鳳爪夠腍, 皮質夠滑, 充滿骨膠原的, 而且湯底藥味好夠. 要補一補的人, 不妨飲多兩啖.
上湯浸小籠包, 唔好玩啦, 咁樣食小籠包, 我寧願食灌湯餃. 咁食小籠包, 完全失去佢既精髓. 皮浸到腍哂, 一夾成個包就散. 美食玩創意, 都唔係咁樣玩. 小籠包既精華在湯裡, 但漏了的小籠包肉汁, 而且個湯油淋淋的. 實在不敢飲下.
未飽, 而且我們是想消化砵牛腩既腩汁. 我地叫了一碗叉鴨飯. 燒味感覺上可以的, 叉燒脆脆地口, 夠哂蜜味. 燒鴨香. 幸好對酒樓非常重要既味道得, 起碼不用食完個個得啖笑.
大包的確易賣, 大錢的確冇撈, 埋單$230, 稻香始終係走平價路線. 不過, 下次都係去返馬市飲茶算.
張貼
