Triple O's by White Spot (已結業)

以為地點寫住喺Harbour City就好易搵，點知剩係喺商場裏面都搵咗半粒鐘...我平時好少行海港城...穿過一樹又一樹，嚟到City Super，轉多個彎，心諗：「終於搵到啦...」擔高頭望住個餐牌，講真，真係冇乜揀，最後決定要個"Mushroom Burger Combo(Burger、Fries、Coke) + Bacon + Extra Chicken Breast"...收銀處企住一個唔多似中國藉人士嘅女仔，我諗住自己啲英文唔多好，費事講得多獻醜，所以我問佢：「May I speak Cantonese？」點知佢反應仲大過我，可能佢唔識廣東話，所以嗱嗱聲叫另一個女仔過嚟幫手...我反而覺得有啲唔好意思啦...我個waiting no. 係 77 號，等咗幾分鐘，有得食啦，嘩~~~真係如傳聞中所講，好大個包呀...真係唔知點咬，料又多汁又多，食得好論盡，but好食嘅，薯條係粗身果啲，食落好有口感，好香薯味，唯一唔多好嘅係Extra Chicken Breast，我以為係炸嘅，點知係咁嘅款...有啲失望...價錢都幾貴，成份加埋$90，試一次就夠啦