曼活泰茶 (已結業)

呢排好多黑糖珍珠奶茶，終於有間新嘅飲品店唔係走台灣風，係走泰風，係咪咁就可以突圍而出呢，少年，你太年輕了，呢間嘢近日都比人吹捧到上天，今日一試原來係伏，係泰伏 🤡 奶茶真係小得可憐，成杯由頭到腳都係冰，而家起冰山咩，珍珠亦比較小，但真係小得有道理，珍珠又係唔知浸左幾晚，硬硬地又冇咩咬口，仙跡岩果啲質素，大家食過就知，而佢地用嘅冰係唔大唔小嘅片冰，飲飲下成塊啜住係個喉嚨，真係差啲芹死，大家減肥可以試下呢個新方法「片冰扣喉法」，講到最橙嘅係泰式奶茶真係得橙字，得個樣係橙，冇乜泰茶味，係得個死甜，要買真係買佢個樣，冚杯橙 🧡