影片
更多
2019-09-16
1358 瀏覽
呢間狸貓食店響好多商場都會見到，每次另一半見到都話好襯你...blahblah...我覺得實要搵一次食左佢先安樂🙄唔好意思今餐啲相我都無乜心機影，因為成餐飯都enjoy唔到。佢有2/4/6人餐，但prefer試下お好み焼き或者文字焼き以外嘅野。（套餐呢啲係主食）由帶位嗰位亞叔(黑衫應該高級啲)開始已經係黑口黑面，裡面啲server雖然全部係後生仔囡，但係全部同黑面叔一樣毫無活力，由落order嗰刻都係黑面兼無禮貌、一堆企埋傾計都唔應機⋯淨係叫你等⋯店鋪文化？🤗 咁唔該唔好做日本餐啦！坐低嗰陣已經九點幾，都無咩新枱walk in。但啲server全部都執枱，注意係2-3個人咁執一張枱。無人主動過黎介紹下，樣樣都要等，等佢終於傾完計得閒過黎order，order完又等，又話杯可樂係等埋其他一齊出，其實係漏左單仲諸多藉口etc 唔想做咪唔好接枱囉呢邊食緊飯，隔離枱就係咁做清潔鏟板嗰啲刺耳嘅聲音..完全唔會覺得唔好意思。服務伏—————————//講返食物質素。お好み焼き如果有人鐘意自己玩下野，我覺得黎試一次都無妨！不過成程無人教學，係渣住張menu自學，我就無乜好感。味道係普通麵漿味，無乜特
唔好意思今餐啲相我都無乜心機影，因為成餐飯都enjoy唔到。
佢有2/4/6人餐，但prefer試下お好み焼き或者文字焼き以外嘅野。（套餐呢啲係主食）
由帶位嗰位亞叔(黑衫應該高級啲)開始已經係黑口黑面，裡面啲server雖然全部係後生仔囡，但係全部同黑面叔一樣毫無活力，由落order嗰刻都係黑面兼無禮貌、一堆企埋傾計都唔應機⋯淨係叫你等⋯店鋪文化？🤗 咁唔該唔好做日本餐啦！
坐低嗰陣已經九點幾，都無咩新枱walk in。但啲server全部都執枱，注意係2-3個人咁執一張枱。無人主動過黎介紹下，樣樣都要等，等佢終於傾完計得閒過黎order，order完又等，又話杯可樂係等埋其他一齊出，其實係漏左單仲諸多藉口etc 唔想做咪唔好接枱囉
呢邊食緊飯，隔離枱就係咁做清潔鏟板嗰啲刺耳嘅聲音..完全唔會覺得唔好意思。服務伏
—————————//
講返食物質素。
お好み焼き如果有人鐘意自己玩下野，我覺得黎試一次都無妨！不過成程無人教學，係渣住張menu自學，我就無乜好感。味道係普通麵漿味，無乜特別，紫菜同木魚都係無味。
啲燒肉texture係鞋嘅，醬料係咸嘅，無牛味，應該普通食材，與日本無關。
Kimchi尤魚係難食，啲尤魚唔知咩品種唔係爽身，永遠都好似未熟咁狀態。
芝士薯仔餅差不多$2X一粒，可惜無乜咀嚼感，響出面食嘅話，外脆內軟嘅食店大把..
燒蝦肉唔至於梅，加埋啲sauce係全晚最好味。
食物伏
———————//
叫到成枱野，點都一定飽嘅，至少會感覺”濟”或者”漏”。
返到屋企半夜要再食宵夜
平均$300一位，你值得更好的選擇，U’ll know that bro。
呢度有一樣野好有日本味道ga，係裝修呀，哈哈哈，值兩粒星！其他都poor，大伏。
張貼
