頭盤揀咗酥皮麻辣芝士雞煲，雞本身已經煮好，職員會幫手切開酥皮同撈好啲芝士，煮一下芝士溶晒就食得，雞肉肉質都幾嫩，唔會鞋口，味道剛好，酥皮撈埋個麻辣醬汁都唔算太濃味。
火鍋就揀港式沙嗲湯底，本身包一set牛加海鮮盤，海鮮新鮮，牛肉方面個人比較喜歡牛下肩
(肉味油脂平均, 口感嫩滑)、M4和牛(肉味重)、封門柳(肉味重，口感結實，啖啖肉)、牛板腱(肉味油脂並存, 偏爽口)，牛下肩牛板腱仲可以再添加😆出面自助區都有唔少食材，菜類丸類都各有幾款。
沙嗲湯底好香，味道一開始剛剛好，唔會濃到蓋晒食物嘅味道，就算係海鮮都食到個鮮味，慢慢食下食下去到最後先覺得鹹，當然大家要適時加水。最後落個公仔麵，完美變咗超濃郁沙嗲牛麵！最後仲食埋雪糕，非常完滿。
全程職員都好有禮貌，價錢同食物質素都滿意，會再回頭👍
