影片
更多
2022-06-28
850 瀏覽
好耐已經無食台灣麵，有啲心掛掛( ･᷄ὢ･᷅ ) 所以就去咗呢間bookmark咗好耐嘅「滷友記」試吓啲滷水同湯麵！餐廳位置係shari shari 隔離，食完個麵仲可以過隔離食返個冰先！.🔺️招牌大滷麵 $59 | ⭐️: 4.0/5大大碗，餸又卑得多，一定夠飽！湯麵有：五花肉、陳皮魚蛋、豆腐、蘿蔔～ 最鍾意佢個蘿蔔，滷得甜又無渣(^з^) 五花腩略嫌多咗少少肥，但整體味道唔錯👍🏻而湯底分別可以揀滷水湯/番茄湯/麻辣湯/酸辣湯揀。狸貓我揀咗番茄湯，可惜佢無想像中咁濃茄味，覺得可以再酸啲！可能佢嘅滷水湯會再出色啲，下次去再試試！🔺️滷友牛三寶麵 $62 | ⭐️: 4.4/5朋友嗌咗呢碗～ 睇落都好吸引。分別有金錢展、牛筋、金錢肚(*¯︶¯*) 牛筋滷得好入味、金錢肚都好爽口👌🏻 牛展可以少韌，不過呢個價錢而言，已經非常高質！🔺️芝麻汁 雞絲粉皮 $50 | ⭐️: 4.4/5寬身粉皮配上芝麻汁，超級滑捋捋(｡･ω･｡) 果然出面3x度嘅天氣就係要食返啲涼拌小食！不過如過多返啲芝麻汁就💯啦～🔸自家制 蘋果雪梨雪耳 跟餐 +$12推薦！凍飲都無咩冰，真材實料自家製，健康又解暑～🔸自家制 檸檬薏米水
好耐已經無食台灣麵，有啲心掛掛( ･᷄ὢ･᷅ ) 所以就去咗呢間bookmark咗好耐嘅「滷友記」試吓啲滷水同湯麵！餐廳位置係shari shari 隔離，食完個麵仲可以過隔離食返個冰先！
.
🔺️招牌大滷麵 $59 | ⭐️: 4.0/5
大大碗，餸又卑得多，一定夠飽！湯麵有：五花肉、陳皮魚蛋、豆腐、蘿蔔～ 最鍾意佢個蘿蔔，滷得甜又無渣(^з^) 五花腩略嫌多咗少少肥，但整體味道唔錯👍🏻
而湯底分別可以揀滷水湯/番茄湯/麻辣湯/酸辣湯揀。狸貓我揀咗番茄湯，可惜佢無想像中咁濃茄味，覺得可以再酸啲！可能佢嘅滷水湯會再出色啲，下次去再試試！
🔺️滷友牛三寶麵 $62 | ⭐️: 4.4/5
朋友嗌咗呢碗～ 睇落都好吸引。分別有金錢展、牛筋、金錢肚(*¯︶¯*) 牛筋滷得好入味、金錢肚都好爽口👌🏻 牛展可以少韌，不過呢個價錢而言，已經非常高質！
🔺️芝麻汁 雞絲粉皮 $50 | ⭐️: 4.4/5
寬身粉皮配上芝麻汁，超級滑捋捋(｡･ω･｡) 果然出面3x度嘅天氣就係要食返啲涼拌小食！不過如過多返啲芝麻汁就💯啦～
🔸自家制 蘋果雪梨雪耳 跟餐 +$12
推薦！凍飲都無咩冰，真材實料自家製，健康又解暑～
🔸自家制 檸檬薏米水 跟餐 +$12
薏米煲到好淋，唔太甜偏酸，prefer 蘋果雪梨雪耳多啲！
📍 地址：滷友記 (加路連山道)
銅鑼灣加路連山道5號地舖
Rating: 🌕🌕🌕🌕🌑
張貼
