影片
更多
2023-09-11
87 瀏覽
👍🏻和風咖喱飯 (包嘢飲及麵豉湯) $45限時優惠！所有和風咖喱套餐一律都係$45，全日同價包嘢飲及麵豉湯🔥所有和風咖喱套餐一律都係$45，全日同價包嘢飲及麵豉湯-同平時啲日式咖喱有啲唔同，呢度甜辣帶微酸，濃稠適中👌🏻可以揀辣度，大/中/小，小辣味道甜啲，大辣酸味出啲屋企人平時唔食得辣嗌小辣都食到，就算大辣都好溫和汁量超多，撈飯一流，多到撈晒啲飯都仲有汁淨😂如果咁多汁都嫌唔夠嘅話，可以加$5額外加汁-吉列豬扒本身冇乜期望，始終平價嘢，但估唔到又唔差喎豬扒肉質偏瘦但冇炸到乾柴，炸粉唔會太厚仲係熱辣辣炸起，完全做到外脆內軟口感，比想像中好食🤪！-牛肉就係平時牛肉飯嗰隻，薄切但都幾大塊冇碎濕濕，肥膏唔會太多，冇雪味/騷味又唔會好韌，有少少牛脂香，呢個價位質素的確算唔錯，份量亦OK-雞扒都幾厚身，肉質好嫩滑，醃得入味雞皮係加分位，香煎微微焦脆，連皮食正-豚肉同牛肉口感差唔多，都係薄切，邊位脂肪爽彈，比起牛肉多一份明顯油脂香，以平價嚟講質素唔錯，份量亦OK-整體大碟份量多，$45仲包埋嘢飲同湯，全日同價真心抵食！留意優惠價做到10月31🔥味道：7/10性價比：9/10-👍🏻脆炸旋瘋薯棒 +$14
限時優惠！所有和風咖喱套餐一律都係$45，全日同價包嘢飲及麵豉湯🔥
所有和風咖喱套餐一律都係$45，全日同價包嘢飲及麵豉湯
-
同平時啲日式咖喱有啲唔同，呢度甜辣帶微酸，濃稠適中👌🏻
可以揀辣度，大/中/小，小辣味道甜啲，大辣酸味出啲
屋企人平時唔食得辣嗌小辣都食到，就算大辣都好溫和
汁量超多，撈飯一流，多到撈晒啲飯都仲有汁淨😂
如果咁多汁都嫌唔夠嘅話，可以加$5額外加汁
-
吉列豬扒本身冇乜期望，始終平價嘢，但估唔到又唔差喎
豬扒肉質偏瘦但冇炸到乾柴，炸粉唔會太厚
仲係熱辣辣炸起，完全做到外脆內軟口感，比想像中好食🤪！
-
牛肉就係平時牛肉飯嗰隻，薄切但都幾大塊冇碎濕濕，肥膏唔會太多，冇雪味/騷味又唔會好韌，有少少牛脂香，呢個價位質素的確算唔錯，份量亦OK
-
雞扒都幾厚身，肉質好嫩滑，醃得入味
雞皮係加分位，香煎微微焦脆，連皮食正
-
豚肉同牛肉口感差唔多，都係薄切，邊位脂肪爽彈，比起牛肉多一份明顯油脂香，以平價嚟講質素唔錯，份量亦OK
-
整體大碟份量多，$45仲包埋嘢飲同湯，全日同價真心抵食！
留意優惠價做到10月31🔥
味道：7/10
性價比：9/10
-
👍🏻脆炸旋瘋薯棒 +$14 & 辣酥雞 +$12
兩款小食都係跟餐優惠價加購，個人推薦薯棒
口感介乎於薯角同番薯條之間，外皮唔算好脆口，裏面薯仔軟綿綿，帶微甜，幾好食😛！
辣酥雞炸得都幾脆口，味道就不過不失啦👌🏻
味道：7/10
性價比：8/10
-
📍#加藤屋 @katoyahk.official
深水埗元州街34號地舖
太子花園街232-242號黃禮賢大廈地下M號舖
荃灣路德圍12號地舖
屯門石排頭徑1號卓爾廣場2樓207B號舖
張貼
