泰玖 (已結業)

同屋企人行荃灣廣場，知道附近有兩條食街，於是去呢間之前食過嘅泰國菜餐廳，因為佢嘅環境比較寧靜，可以慢慢食飯。呢度嘅裝修以工業風格，啱晒同朋友或者屋企人嚟呢度食嘢，因為食物份量大大份抵食，仲有就係賣相都幾開心！泰式軟殼蟹金柚沙律 🥗$88柚子的份量好多，酸酸甜甜幾開胃，而且軟殼蟹好軟身好食😋。泰式蟹肉炒飯 $118 🦀🍚一開始無太多預期，但上菜發現有蟹籽、蟹柳，炒飯本身好有鑊氣之餘，食落仲要啖啖蟹肉。泰式青咖喱雞 $88 🥘有香草味，青咖喱微微辣好暖胃，咖喱雞份量都足料。泰式芒果糯米飯 $58 🥭🍚賣相好，糯米同紫米淋上椰汁，好滋味。芒果新鮮好好味😋。上次食嗰陣時未見到有呢一個特飲，於是我哋就試吓！芒果活性乳酸菌思樂冰 🥭🍧 $68(450ML)芒果味益力多，大大份。芒果肉甜甜地，益力多味道突出。菠蘿活性乳酸菌思樂冰 🍍🍧 $68(450ML)菠蘿味益力多，大大份。鍾意佢個菠蘿摺紙，夠晒得意，屋企人拎咗返屋企，呢個菠蘿🍍似罐頭菠蘿味道，所以比較甜。