韓閣 (新都城中心二期) (已結業)

🍴鐵板牛肉飯 $88依家新出咗客飯套餐，平日嘅話$88起可以食到，入邊仲會包埋味飯、海帶湯同飲品，好耐都冇食過鐵板牛肉，一上枱嗰陣時冒哂煙，入面嘅牛肉比較甜口同無咩肥膏，份量好多，食到底都仲有！🍴松露煙鴨胸石鍋飯 $78朋友個石鍋飯要等得比較耐，一上枱就聞到黑松露香味😋不過叫呢個飯唔可以落太多韓式辣醬，如果唔係就會掩蓋到松露味。🍴韓式小食配鴨胸雜菜沙律 $41，炸蝦餅 $40小食拼盤有雞肉串、炸餃子同粉絲卷。佢幾款炸物都有埋沙律醬，不過我哋都覺得點韓式辣醬會更加好食，食落會減輕返油膩感。