瓏門冰室 (已結業)

最近發現尖沙嘴金馬倫道開咗間新嘅茶餐廳，見今晚喺附近行街，一於幫襯下佢。其實龍門冰室已經有幾間分店，尖沙嘴應該是第5間定第六間分店，既然都已經是連鎖的，水準應該不差。茶餐廳比同一條街嘅另外兩間細少少，但都坐到差不多15張檯嘅。餐廳老闆一定係好鍾意超級英雄系列電影，一邊的掛牆櫃放左好幾張Ironman figure。麻辣肥牛雞煲$70同埋蒜蓉帶子西蘭花煲$70套餐包一個湯，一份多士同一杯飲品（咖啡/奶茶），都幾豐富。個湯係粟米湯。帶子都彈牙，蒜味好勁。麻辣肥牛雞煲，入面嘅肥牛好大塊，雞都好大塊，但就冇咩辣味。蜜糖雞翼$24甜甜地，炸得幾脆。