成記茶寮

聽人講呢間茶記係無可能食唔飽，大食嘅我都非常認同。外賣大概半個鐘就送到，飯都夠熱。

叫咗一個咖喱豬扒雞球飯，外送apps $45，有凍飲。淨係睇個盒都知好大份，係用最大嘅外賣盒，雞球係雞扒黎，有成四大舊，豬扒都有兩塊，真係冇可能唔夠飽。汁都好多，係比較甜嘅咖喱汁，似葡汁多啲。雞扒算嫩滑，豬扒都唔鞋，正常茶記質素，呢個價錢絕對抵食。

另外一個係豬扒雞翼飯豉油汁，一樣好大份，有三隻雞翼，味道一樣正常。

係外賣apps呢個價錢真係冇得輸，女仔唔太大食嘅話兩個人食一盒飯都得。