海港燒鵝海鮮酒家 (已結業)

每一次同爹哋媽咪慶祝節日，佢哋好多時都係揀呢間酒樓。其實真係冇揀錯因為食物水準真係唔錯，而且夠大碟，認真大件好味夾抵食！今次我哋就叫咗咕嚕肉，花膠雜菌煲，同羅漢齋煲。咕嚕肉粉唔會太厚，炸得夠脆，裡面juicy,又有筋位夠𡁻頭又夠香。花膠煲起碼都有六至七件花膠，足料。雜菌冇話煮得太耐林晒，而且火候做得好，唔會太油。羅漢齋煲南乳味道好香，但又唔會過鹹呢間酒家水準一向都keep得到，難怪每次晚市都要排大長龍既。