I Café

營業中

休息中

媽媽專程過來陪我食午餐，兩個人去了公司附近的I Café，裝修後餐廳更光猛，座位比以前舒適。下午茶時間都有大半滿座，食物款式有中有西，有輕盈亦都有全份。龍蝦汁海鮮燴意粉雖然是下午茶，但份量絕對同正餐無分別，海鮮方面有蝦、青口及魷魚，醬汁比較creamy，但龍蝦味則欠奉，不過幾十蚊味道真係唔錯。全日早餐真係超大份，絕對有驚喜，肉類有司華加腸、火腿、煙肉，炒蛋幼滑裏面有些蘑菇，牛角包就唔多似，反而似係歐式麥包，非常鬆軟，薯餅新鮮炸起，十分脆口，整個早餐即叫即做，新鮮熱辣，份量十足。最後飲返杯餐飲，非常滿足的一個下午茶。