Chapter 3 Steak Bar & Restaurant (已結業)

今晚與好友到此共餐，餐廳環境氣氛唔錯，播放音樂座位闊落，放工可以鬆一鬆。食物相當大份價錢唔貴，都食得過。粟米脆片 每位$20口痕小食無限添，埋坐侍應自動奉上，蒜味粟米片脆薄幾好食，醮埋酸忌廉開胃食唔停口。魚子松露蟹肉伴冷意粉 $98冷盤，比想像中大碟，意粉份量勁多，意粉爽滑凍食好味，配以麻醬汁酸甜美味，加埋絲絲蟹肉鮮美和粒粒魚子，唔錯。車打芝士燒吉列豬扒漢堡 $108漢堡大件，落左勁多車打芝士超級邪惡，半溶芝士香味濃。吉列豬扒炸得香脆，厚切大啖肉。大片菠蘿清甜多汁，仲有蕃茄片和生菜，夾埋疏菜食落無咁膩。漢堡太巨形一口咬唔晒，大啖食成嘴都係芝士，有點論盡。薯條粗身外脆內軟，份量唔少。仲有堆薄薄的炸甘荀條口感脆卜卜。整體份量多好不容易二人才ＫＯ晒，一百蚊又幾抵食。Queen Beauty $78沙冰幼滑，啖啖甜美芳香，荔枝味濃細細啖飲好滿足，chill下飲下好適合。