茶咖宅 (已結業)

行估唔到會有間個名咁得意既餐廳，Style仲要係茶記+Cafe既混合版。芝士火腿 omelette 配 pancake $68巨班芝士火腿omelette 、Bacon 、菇、納豆、烤腸、沙律菜、小pancake 3件。沙律加左黑醋，吃起黎酸酸甜甜好開胃。咁既價錢有咁大份量，物超所值。個omelette 加左芝士更加香，雖然有啲膩，但係味道都ok！Brunch咁樣食真係幾滿足，而味道方面都係正常，中規中矩。芝士蘑菇omelette 意粉 $58賣相就麻麻地，份量依然都幾大。omelette 加左芝士同蘑菇，味道正常。不過意粉就真係咸左小小，唔知係味因為要求多汁，所以重味左。建議同朋友share食個時，唔好兩味都係芝士omelette ，咁樣會有啲濟。