千葉鳥

營業中

休息中

今日山長水遠番黎天水圍搵以前個中學同學去聚舊。因為隔太耐冇番去，好多地方都變左好多，但估唔到天澤商場裝潢得靚左好多，餐廳既選擇又多左，所以明顯見到比起以前人流係多左。然後我地行完街之後好攰又熱，想食d生冷野而且可以坐得舒服d既餐廳食野。咁岩行過見到唯一一間好想食既餐廳係可以食魚生飯既，所以就諗都唔諗就衝左入去。入到去個餐廳格局好有風格，完完全全有居酒屋既感覺，令人好似處身係日本咁。當時我地入去既時候已經係食lunch set既時間，叫一碗魚生飯可以送一款小食加凍飲都係7蚊左右。食物一到各種刺身鋪滿晒係飯上面，多到要夾晒出黎先食到入面既飯，而且每件刺身都係厚切，啖啖都食到。最後想講員工既素質好好。