金漢宮海鮮酒家

營業中

休息中

同朋友嚟新開酒樓試菜，先預訂咗隻北京填鴨。黎到見到有龍蝦伊麵配冰鎮咕嚕肉套餐，四百幾一set，抵到震，即刻order。加多個燒肉同菜。每碟都超大碟。北京填鴨皮脆肉嫩，肉汁豐富唔油膩，配埋薄餅一齊食層次感十足。龍蝦伊麵麵身煙韌、蝦肉鮮甜，不過醬汁略咸。冰鎮咕嚕肉外層酥脆、內裡酸甜開胃，配埋新鮮即燒菠蘿，難得。燒肉肥瘦適中，咬落啖啖肉汁，但調味偏平實。整體大份量又抵食，味道唔驚喜但夠穩陣。適合一家大細。