HeSheEat (白布街) (已結業)

今日第一次去He She eat食，個menu好靚而且好多選擇，諗咗好耐揀咗煎三文魚扒意式蕃茄焗意粉同埋300g美國安格斯西冷， 三文魚好厚身好大件而且煎得好香，意粉就有好多番茄圍住令意粉有好濃烈嘅蕃茄味，每啖意粉都有茄醬，番茄控一定要嚟試，而美國安格斯牛扒就有好濃牛味而且有口但又唔韌，鍾意鋸扒嘅朋友都一定要嚟試。 亦都叫咗忌廉湯同埋田園沙律，兩樣嘢都好fresh，而最後重試埋個綠茶心太軟做甜品，個甜品啱啱好唔會過份甜，而且個心太軟一拮開流曬出嚟， 配埋隔離嗰球雲呢拿雪糕又或者紅豆一齊食感覺一流。