橋底辣蟹 (雅閣大廈) (已結業)

橋底辣蟹一直都好出名，第一次去係舊公司新年春茗時，嗰時候係老闆請，有得坐房，又可以食到好多唔同款嘅海鮮同餸菜。因為呢期好想食海鮮，又掛住食過嘅橋底辣蟹，就決定再去回味下。今次得兩個人，食唔得多，我哋叫咗一隻招牌蟹（中size）同埋兩隻椒鹽賴尿蝦，諗住唔夠食先再嗌。餐廳會先比一盤花生你，然後會問你想飲咩茶，提返，呢兩樣野都係要收錢㗎。啲蟹終於嚟到。講真，佢既size其實唔係真係話咁大隻，侍應話中size係一斤半左右，$680。呢隻蟹既肉都厚嘅，但係又唔係話好厚嗰種，呢個都唔係重點，係我覺得隻蟹唔係真係話咁新鮮。要知道，當你食到好新鮮嘅海鮮嘅時候，你係會即刻食得出，但係今次又冇呢個感覺。同埋隻蟹無乜膏，每個人都淨係食到少少膏，有啲失望。至於賴尿蝦都係一樣啦，感覺唔係咁新鮮，啲肉又唔係話好實。侍應話每一隻賴尿蝦大約五兩左右，$268，size 黎講唔算大隻。食晒啲蟹同埋賴尿蝦之後，侍應就會上幾片西瓜俾我哋，呢份西瓜就冇額外收錢嘅。整體而言我覺得今餐飯真係食得冇上次咁盡興，係飽嘅，但得個飽囉，下次寧願去流浮山/ 鯉魚門/ 西貢食海鮮可能仲爽仲鮮。