大丈夫食堂 (已搬遷) 新店位置

2018年10月30日。晴。長沙灣。呢日又喺長沙灣覓食Openrice附近餐廳顯示大丈夫餐廳最近，咁就過去啦！招牌大大隻日文，中文反而好細隻入到去坐低，姐姐講明一陣可能要搭枱，咁無所謂嘅～餐牌有兩邊，一邊午餐另一邊嘅其實都係午餐定食～除咗睇食咩，底嗰行細字都係重點！飯同沙律係可以任添㗎！！睇緊餐牌，姐姐就送咗杯暖水過來啦～杯都好有質感，喺微涼嘅秋日送上暖水～好貼心！研究咗陣餐牌，決定嗌蒜香醬漬三文魚丼然後姐姐向我推介是日精選：off menu嘅九州醬油漬三文魚丼姐姐推介，仲要期間限定！！咁就試下啦～九州醬油漬三文魚丼，$68等咗5分鐘左右，食物送到～～好精緻喔～～～係好齊全嘅日本定食～有麵豉湯～但味道偏淡，濃返啲會令人更開心有漬物～係漬木魚絲同埋昆布，入味，唔錯～任添嘅沙律～雖然任添，但一啲都唔hea，沙律淋咗柚子醋，酸酸甜甜，好開胃，我都encore咗一兜，呵呵～主角三文魚飯～～造型好靚，三文魚鋪滿碗，完全睇唔到飯粒，夾起先知三文魚仲係厚切㗎！鮮美滑溜，用九州醬油調味令三文魚有少少酸味，但唔會鹹，完全感受到魚肉嘅油香，姐姐無推薦錯～三文魚下面係滿滿嘅醋飯，如果嗌添飯，姐姐仲會幫你添返