Igeo Sago Cafe (已結業)

晚餐嚟到呢度，唔需要等位叫咗兩個餐，一個係鐵板牛仔骨，另一個係雞肉蛋包飯，另外仲叫咗個生菜牛仔骨份量勁多，一睇落去似係有二人份而已燒得熾熱嘅鐵板同油脂嘅滋滋聲，真係令人留哂口水牛肉醃得入味，火候控制都幾好，咬落彈牙有肉汁，連骨旁嘅肉同纖維都容易咬到叫呢個鐵板牛仔骨應該可以配兩碗飯，因為連配菜洋蔥都好甜好好撈略嫌油多咗啲，好似食緊韓燒咁叫咗個蒜炒唐生菜，turn out係有湯浸住嘅？？不過好彩蒜香味都夠，唐生菜都新鮮翠綠最後嘅雞肉蛋包飯，雞肉係醃好煮好嘅，醬汁都係同牛仔骨嘅差唔多，加咗洋蔥帶甜而個蛋包飯都只不過係白飯上加雞蛋同芝士用餐廳提供係檯面嘅辣醬拌勻個飯，入口味道更佳