夢上海 (已結業)

話說有個朋友仔由美國返黎香港約o左幾個朋友出去開飯之前都有食過西式自助餐~不過今次都係第一次試中式的!!!間餐廳叫夢上海~見過門面好似好高檔咁~呵呵~事實上內部裝修都真係好有中國特色~靚~食物方面我地攞o左幾樣上海特色小菜其中最好味既係雞絲粉皮~真係好香又好滑~仲有個麵根我都好鍾意~夠入味之後俾o左張點餸紙後~過一陣就有野食啦~聽聞係即叫即整~咁都算好快wor~我地幾個人總共試o左7個熱炒~其中有糖醋魚片，糖醋排骨，蔥爆牛肉，腰果雞丁，干扁四季豆麻婆豆腐仲有多汁既小籠飽~加醋一流~雖然本身對糖醋食物不太感興趣~但個糖醋排骨我又好接受到wor~因為炸到出面脆脆地~但入面又好多汁咁但係今餐最令人難忘既都係呢個蔥爆牛肉真係好好味~呵呵~因為本身我怕蔥既辣味~但呢個又唔覺辣~而且牛肉好”幼齒” 呵呵而干扁四季豆都係我既心水推介~後註：唔知係唔係太大食呢~定太好味呢~呢兩個熱炒都需要 “n call”最後食飽飽~坐18蚊的士去紅磡火車站走人我有建議~如果連餐具都花多少少心思會更有睇頭~因為都係純白色碗碟~冇印公司logo