影片
更多
2017-12-12
312 瀏覽
呢間雞煲食咗好多年， 基本上係長期客仔， 鍾意佢夠曬平夠曬抵食(人均160元咋！)， 而且收得夜，尤其是以前放工放到好夜，成日收九點後，來呢度仲會有折頭添架！ 基本上呢度都係食左雞煲先，再之後就加湯打邊爐了！一埋位就叫雞煲接著立刻點菜，食完雞煲就可以立刻打邊爐！ 呢度所有配料都係任點任食， 張點菜紙水蛇春咁長就知道款式多啦！例如有打邊爐不能缺少嘅美國肥牛、 鯇魚骨腩、 黑豚腩片、 雞片、魚片、蟹籽丸、豬潤、花膠、牛柏葉、生腸、鵝腸、豬肚、豬皮、魷魚、豬紅、魚皮餃、炸魚皮、脆皮腸、凍豆腐、魚片頭、豬肉丸、白魚蛋、龍蝦丸、羊肉片、豬頸肉、牛骨髓、花枝丸、墨魚仔、青口…… 香噴噴雞煲話咁快送到， 唔使等好耐五分鐘左右就有得食！正！而且雞都是煮好的可以即刻食， 小小的麻辣雞有好香莞茜味！雞肉都好嫩滑，味道夠曬入味！ 雞煲個煲係超大煲， 基本上加完湯之後將所有食得嘅放曬落去一鑊熟已經可以！ 作為新時代女性的我最鍾意食嘅當然係花膠啦！ 呢度啲魚喺邊到啲花膠質感好好食㗎，煙煙靭靭咁！ 係預先已經發好咗嘅花膠片 ，當然唔係話好高級 ，不過無論高級定低級膠原蛋白依然係存在嘅~ 而且口感幾好食㗎，
基本上呢度都係食左雞煲先，再之後就加湯打邊爐了！一埋位就叫雞煲接著立刻點菜，食完雞煲就可以立刻打邊爐！ 呢度所有配料都係任點任食， 張點菜紙水蛇春咁長就知道款式多啦！
例如有打邊爐不能缺少嘅美國肥牛、 鯇魚骨腩、 黑豚腩片、 雞片、魚片、蟹籽丸、豬潤、花膠、牛柏葉、生腸、鵝腸、豬肚、豬皮、魷魚、豬紅、魚皮餃、炸魚皮、脆皮腸、凍豆腐、魚片頭、豬肉丸、白魚蛋、龍蝦丸、羊肉片、豬頸肉、牛骨髓、花枝丸、墨魚仔、青口……
香噴噴雞煲話咁快送到， 唔使等好耐五分鐘左右就有得食！正！而且雞都是煮好的可以即刻食， 小小的麻辣雞有好香莞茜味！雞肉都好嫩滑，味道夠曬入味！
雞煲個煲係超大煲， 基本上加完湯之後將所有食得嘅放曬落去一鑊熟已經可以！
作為新時代女性的我最鍾意食嘅當然係花膠啦！ 呢度啲魚喺邊到啲花膠質感好好食㗎，煙煙靭靭咁！ 係預先已經發好咗嘅花膠片 ，當然唔係話好高級 ，不過無論高級定低級膠原蛋白依然係存在嘅~ 而且口感幾好食㗎， 畀百幾蚊有花膠食算係咁啦(≧∇≦)
呢道啲肥牛都見得人㗎， 雖然係任食百幾蚊一位， 但係質數算唔失禮！ 仲喺到好多雪花雪花喺個牛肉裏面㗎！ 食落當然唔會入口即融，不過亦唔會韌，而且又好好嘅牛味，都幾好食㗎！
而我自己就幾鍾意食呢度嘅羊肉片， 圓圓的一片似係羊膝部位片出嚟嘅， 所以有幾均勻嘅雪花但係食落又唔會好羶， 而且肉質帶少少彈性，個人幾鍾意個口感！
不得不讚一下這裏的魚皮令我有驚喜！ 炸魚皮我幾鍾意食但係唔係度度炸得好食！ 呢度嗰啲炸到好薄好脆，而且唔會擺好耐變到硬掘掘，仲保持到那種一咬輕輕散開似薯片質感， 將佢哋放喺啲熱湯度灼一灼兩秒，食起嚟軟中帶脆，脆中帶遠，而且索咗啲麻辣湯超好味！
今晚我們又大吃特吃吃了一大堆， 現任飲嘅飲品都掃咗兩罐落肚， 飽到死都死唔蝕底食埋雪糕先走(≧∇≦)超滿足呀！
張貼
