大澳德發 (已結業)

通常多人唔知食咩好，就會去食小炒。呢到既選擇都幾多喎! 唔知呢到係咪出名食海鮮，見到好多海鮮類。我地叫左個優惠孖寶套餐B ，有椒鹽鮑魚同埋頭抽乾煎海中蝦。蝦超級大隻，仲要好彈牙D肉，食得出好新鮮，同埋煎得好香好夠味! 椒鹽鮑魚佢係去埋榖比你，所以食落好方便! 椒鹽咁整做到佢係炸炸地咁，幾特別~ 好鐘意呢到既蜜椒金薯牛柳粒，夠甜，牛柳粒又夠淋，唔會咬唔開! 金薯係外面少少脆，入面仲係淋! 三弄脆皮豬手見好多人推介，所以叫左，個皮係吉超級脆! 而且好多肉，啖啖肉，好滿足。啫啫芥蘭煲好香，入面仲有少少肉碎同埋蝦乾提下味~金磚豆腐配墨魚餅個豆腐係好嫩好滑，墨魚餅都幾大舊一塊。碟碟送都好好送飯，食完好飽! 但每人都係200內，幾抵