Soft Aroma (已結業)

Relaxing Sunday......搵間好hea既cafe享受一個簡單而悠閒既早餐......正呀 Jam Toast厚多士係外脆內軟，加上薄薄既一層士多啤梨 Jam......就係想要這種簡單既味道。多士想做到外脆內軟既，一定要厚切，多士爐要夠大火力。爐唔夠火又或者塊包太薄就變成 "乾煎" 煎乾晒塊包既水份而變得唔好食。 Ginger Coffee店名都講到明 Soft Aroma 就知佢既 Coffee 會淡口啦。點左 Ginger coffee......之前未飲過但貪佢第二度飲唔到。聞一聞杯 Coffee 無乜香味。飲一口覺得味較淡，foam milk 夠滑，薑味反而好特出 當天氣得 12 - 13 "C 飲左佢好暖胃Cafe 環境簡約優雅，一個咁簡單早餐食足大半個鐘都無人趕，會再來。