品潮軒 (已結業)

老闆話請食飯，記得佢介紹過呢間，所以提議去呢度。位置幾偏僻，喺富豪東方後面，無車都幾唔方便，午飯時間唔多人，唔使訂座都有位。侍應除咗問你飲乜嘢茶，亦會送上功夫茶，呢度嘅功夫茶無出面咁苦。老闆拍板，除咗指定嘅鵝片，仲叫咗水瓜烙，鯇魚粥，聖瓜魚鰾，豆腐肉片。鵝片同其他潮州餐館差不多，水瓜烙煎得香而不膩，一個人可以食三件，最欣賞鯇魚粥，加咗方魚好香口，鯇魚亦完全去骨，食得放心。聖瓜魚鰾個魚鰾唔太煙un，但聖瓜好爽。豆腐肉片比較咸香，個豆腐仲好食過鹵水豆腐。本來想食反沙芋，但太飽食唔落。整體水準唔錯。