更多
2017-08-29
3032 瀏覽
朋友仔話未食過雞煲,我即時上網搵吓,睇到一品雞煲有幾間分店,並且有間新開於銅鑼灣,剛好收工可直接行過去,得3人食,叫咗1隻雞,1份皮蛋,1份響鈴,無再打邊爐。小麻小辣1隻雞,聞到個汁好濃郁,元茜洋蔥圈為配菜,初時小火煮幾分鐘,之後有職員過嚟開蓋攪拌,再焗多1分鐘就開動,每塊雞外都俾醬汁包裹住,入口後味道好濃味,帶有辣麻味,少少甜味,洋蔥好甜,比較容易粘底,要不停攪拌,到最後比較咸,要不停加湯。響鈴都幾大條,放入湯內2秒起,吸收左湯,好味道。
張貼