彌敦左岸

營業中

休息中

放咗工諗住同男朋友喺尖沙咀食埋飯先返屋企，見到呢間彌敦左岸好吸引就入咗去試吓！一入到去就覺得好有情調!🔥墨西哥香辣牛肉焗芝士粟米片呢個nacho新鮮整熱辣辣好正，個人最鍾意點啲酸忌廉黎食，一冷一熱個口感好正，d芝士好多，每一塊都有！🔥烤海虎大蝦扭捲粉兩隻大蝦煎得好香，一上枱就聞到好香嘅蝦味，個自家製扭捲粉好特別，佢係比較厚身嘅粉，煮得啱啱好就有Al Dente嘅感覺！鍾意食辣嘅可以加少少Tabasco落去，會仲惹味！🔥低溫慢煮烤原隻法國黃油春雞慢煮春雞啲肉好嫰滑，春雞嘅肚裏面仲有釀左西班牙臘肉腸同埋意大利白豆，好特別！配菜仲有一條烤粟米同埋薯條沙律！🔥Crazy Juice🔥Broke up