影片
更多
2016-11-14
358 瀏覽
今日同2個朋友去我屋企附近搵食，黎到以往繁榮既食街，而家顯得冷冷清清，人流唔多，但卻是一個舒適既用餐地點。7點黎左，餐廳無乜人，餐廳由朋友選擇，以前都未食過！叫左一個二人套餐同散叫一人晚餐，款式好多，因為可以係餐牌自由選擇！哩個set好多野食咁，498抵！凱撒沙津，超大碟，係3-4人份量，味道唔錯，可以唔洗落咁多汁，有少少過酸，而且菜葉太大塊，可以剪開細細塊易食d!一人晚餐個頭盤係焗番茄茄子，味道出奇好夾，有芝士中和番茄既酸味，茄子夠淋。我揀左白湯，但係成為全餐飯既敗筆，麵粉湯味，淡而無味，反而麵包外脆內軟好新鮮好好食！招牌蟹肉忌廉意大利飯，好大碟，無可能一個人完成，3個人食範岩岩好！意大利飯煮得岩岩好，個汁好香濃，蟹肉一梳梳，好足料！鹽燒智利海爐魚，條魚好大條好厚肉，用鹽燒好香，不過個sauce 食唔出咩味，唔點好過點，唔係特別夾。五成熟羊架，痴住舊膏勁蘇，我頂唔順。薯蓉好好味，比羊更出色，好滑好香有甜味。羊架有3件，份量算多！2人餐既甜品火焰雪山，好大個，平時出街食起碼百幾蚊。入面有蛋糕，雪糕同埋藍莓醬，正正常常，本新唔好哩個甜品，不過望就好靚👍🏻最後餐飲叫左杯latte,連飲品都
叫左一個二人套餐同散叫一人晚餐，款式好多，因為可以係餐牌自由選擇！哩個set好多野食咁，498抵！
凱撒沙津，超大碟，係3-4人份量，味道唔錯，可以唔洗落咁多汁，有少少過酸，而且菜葉太大塊，可以剪開細細塊易食d!
一人晚餐個頭盤係焗番茄茄子，味道出奇好夾，有芝士中和番茄既酸味，茄子夠淋。
我揀左白湯，但係成為全餐飯既敗筆，麵粉湯味，淡而無味，反而麵包外脆內軟好新鮮好好食！
招牌蟹肉忌廉意大利飯，好大碟，無可能一個人完成，3個人食範岩岩好！意大利飯煮得岩岩好，個汁好香濃，蟹肉一梳梳，好足料！
鹽燒智利海爐魚，條魚好大條好厚肉，用鹽燒好香，不過個sauce 食唔出咩味，唔點好過點，唔係特別夾。
五成熟羊架，痴住舊膏勁蘇，我頂唔順。薯蓉好好味，比羊更出色，好滑好香有甜味。羊架有3件，份量算多！
2人餐既甜品火焰雪山，好大個，平時出街食起碼百幾蚊。入面有蛋糕，雪糕同埋藍莓醬，正正常常，本新唔好哩個甜品，不過望就好靚👍🏻
最後餐飲叫左杯latte,連飲品都咁大杯，大杯到飲唔哂，飲得出係即磨，唔係cheap野！
最後每人二百幾埋單，飽到上心口，其實哩個價食咁多野真係超值，仲唔係低質，得閒會再支持，小店難做！
張貼
