雖然係紅假期…但係我地6點左近就到…未滿座…不過沿邊箱坐位都被更早到o既食客坐晒…所以張就張就坐其他位置啦!!...
環境設計就燒烤店o既普通格局…服務同樣一般般…冇乜友善好面口咁…哩度晚餐牌只提供燒烤套餐或單點, 午市先有其他韓菜種類…
吾似一般韓國料理店, 佢地冇話會送上定量o既韓菜小碟…而係每份烤肉計, 加$15蚊可包3小碟加1碗白飯
…但我相信其實點都好, 都係羊毛出係羊身上o既姐…咁我地三個人, 就要3份肉加兩份飯菜齊齊分享啦!!
6小碟o既份量以我經驗黎計, 都好似係較細份架…分別有
銀芽, 大豆芽, 辣泡菜, 咖哩薯仔, 魚乾仔等…自己向來最鍾意係大豆芽同魚仔…哩D一般味道亦吾會做得大差的了!!...
盬燒豬腩肉 ($95)...賣相同相片就有出入, 吾係大大片靚靚, 好散!!...冇肥膩感但肉味吾算濃, 吾夠”豬”o羅!
監燒牛舌 ($95)…可能太薄??...燒埋縮一縮就更難突顯味道…還好都吾韌!!
羊肉片 ($95)…我係”羊”人冇問題, 但兩位朋友就話算羶?!...肉好滑, 醃得甜甜地, 食味係最濃一款…份量亦係最多!!...三款中較喜歡哩個…
連加一埋單HK$347
