龍門冰室 (已結業)

今既睇完黃子華嘅乜代宗師先食dinner，睇到成十點，附近已經無嘢好食，連Vcity都關埋，唯有去龍門居睇下仲有無嘢食，如果唔係就掃街😂。去到見到龍門冰室仲未關，同埋一直聽佢係黃店，就入咗去懲罰佢。當然，我地因為臨關門先嚟，有好附嘢食都無曬，例如較熱門嘅沙嗲牛肉。所以我地就叫咗蕃茄湯通粉配五香肉丁（由於佢係常餐，仲會配多士同炒蛋）同麻辣豬頸肉米粉配餐肉，兩個餐都會分別配一杯熱飲，凍飲要加錢。常餐晚事38蚊，算抵👍🏿。首先，麻辣豬頸肉米粉配餐肉。佢地個麻辣豬頸肉係超辣，仲會有後勁。餐肉就煎過脆口嘅。而湯底本身應該係唔辣清湯嚟，只係加咗個辣嘅豬頸肉就變成一個辣辣地嘅湯。個湯普通。凍奶茶都一般，不過不失，只係用鐵杯我個人覺得無咁靚。第二個係蕃茄湯通粉配五香肉丁，再配炒蛋同奶醬多，熱阿華田。個餐都幾豐盛，我一個女仔食唔曬😂。蕃茄湯勁濃郁勁好食😋，但係上面個五香肉丁係凍嘅，如果佢地開罐頭之後會整返熱就好。由於佢凍，我就撈入湯到食，因為五香肉丁辣辣地，令到成個湯底都變咗有啲辣。但係無阻佢個湯底好食，難怪要加3蚊😂。炒蛋嘅生熟道剛好，入面好滑，可惜餐檯只有鹽提供，如果有埋黑椒更好。多士有烘過表面，不