又係要買蛋糕既時候
唔想無新意
係ig見到呢間小店好多好評
戚風蛋糕又夠輕盈
咁一於訂咗個 草莓百香果 x 水晶珠戚風 （$450/4吋）
佢本身送左個birthday 牌同蠟燭
呢，唔洗加錢架😍
一打開就聞到好香士多啤梨味，上面嘅士多啤梨果肉都好多，俾得好慷慨
本身仲好struggle 夠唔夠食
食落又其實真係夠四個人食，唔錯呀
個蛋糕入邊嘅戚風蛋糕全部都用士多啤梨做，淡淡嘅士多啤梨味，配上軟綿綿嘅戚風蛋糕，蛋糕底係做得幾好
至於外面既cream 做得好輕盈，配合得啱啱好
蛋糕入面仲有士多啤梨果醬，同埋夾層用左百香果乳酪忌廉，好巧妙咁樣令到食落去每一啖都唔會太’漏‘，而又唔會話唔夾！
而其中仲有啲水晶珠，比啲唔同既口感你！
整體來講，係出色既，佢兼顧到味道同口感，唔會單調，所以有咁多好評！
