BB雞蛋仔

營業中

休息中

今日終於有機會黎到之前已經有好多foodie介紹過嘅BB雞蛋仔，哩度最出名係厚到好似字典咁嘅雪糕格仔餅，見到最多人嗌就係哩款雞蛋仔同格仔餅選擇豐富，雪糕味道多，而且價錢超級親民，一底格仔餅都係十幾蚊。今次就試佢嘅金沙格仔金沙格仔餅 $20等左唔係好耐就有喇，格仔餅相當有厚度，外皮夠晒脆，內裡又軟綿綿，唔會太乾，啖啖都充滿蛋香！食左幾啖就開始好狼狽喇，因為入面嘅榛子醬多到滿出黎！雖然多醬，但又唔算好甜，唔會漏。要模仿金沙嘅效果，除左榛子醬之外，內裡仲夾雜住脆卜卜嘅米通粒，好特別之前試過其他店嘅金沙格仔餅，入邊就剩係得榛子醬，對比起來呢間相當有創意喇