影片
更多
2017-09-02
45 瀏覽
想食個快靚正嘅飯？茶餐廳？快餐店？不如食車仔麵啦，選擇多，啱晒樣樣都鍾意食少少嘅我。自己劃想食嘅麵底同配料，我要左碗粗麵（$9），加秘制雞中翼（$12），秘制牛孖筋（$12），鮑汁冬菇（$10）同蘿蔔（$9），共$52。呢幾款餸入面，蘿蔔幾淋，冬菇夠晒入味，雞翼同牛孖筋就可以一試啦，有加菜夠窩心。要微辣口味，加左腩汁味道濃郁啲。加碟油菜（$15），腐乳通菜，正。老婆佢比我更心大心細，食米粉（$9）加魷魚（$12）、牛腩（$12）、陳皮魚蛋（$10）、冬菇（$10）、鳳爪（$10）、魚肉春卷（$12），共$75。咁多款餸當中，陳皮魚蛋、魚肉春卷同鳳爪尤其出色，夠入味，春卷炸過又夠香口。旺角區有好食車仔麵，以後又多個fast meal選擇！
不如食車仔麵啦，選擇多，啱晒樣樣都鍾意食少少嘅我。
自己劃想食嘅麵底同配料，我要左碗粗麵（$9），加秘制雞中翼（$12），秘制牛孖筋（$12），鮑汁冬菇（$10）同蘿蔔（$9），共$52。
呢幾款餸入面，蘿蔔幾淋，冬菇夠晒入味，雞翼同牛孖筋就可以一試啦，有加菜夠窩心。
要微辣口味，加左腩汁味道濃郁啲。
加碟油菜（$15），腐乳通菜，正。
老婆佢比我更心大心細，食米粉（$9）加魷魚（$12）、牛腩（$12）、陳皮魚蛋（$10）、冬菇（$10）、鳳爪（$10）、魚肉春卷（$12），共$75。
咁多款餸當中，陳皮魚蛋、魚肉春卷同鳳爪尤其出色，夠入味，春卷炸過又夠香口。
旺角區有好食車仔麵，以後又多個fast meal選擇！
張貼
