牛知己 (已結業)

天氣開始凍番最啱就係打邊爐！今次黎到元朗呢間火鍋放題，我哋揀左$268嘅澳洲精選牛板健同海鮮放題套餐！因為有小小喉嚨痛所以就要左個清清地嘅雪濃湯！一入座就會上牛肉同海鮮，食完唔夠就之自己係ipad落單～牛板鍵肉質嫩滑，肥瘦相間，唔錯！自己麻麻地豬肉所以就冇試，見朋友都有keep住食，相信都幾好！海鮮自己就比較喜歡虎蝦，大隻爽脆彈牙，魷魚同青口就正正常常啦！除咗ipad點嘅嘢食出面仲有好多配菜，小食， 甜甜，飲品等等可以自己拎！小食就最鍾意佢個瑞士雞翼，👍🏻忍唔住口食咗幾隻！最尾食到甜品實在太飽，所以淨係食咗個豆腐花！ 佢其實有好多一口size嘅小甜品，但實在太飽唯有下次再過嚟食先試啦！