拉麵Jo (已結業)

好耐之前就聽朋友介紹過呢間拉麵鋪 今日終於有幸同朋友一齊黎試試佢😋拉麵鋪黎講 呢間鋪嘅野食都算多 除咗有唔同湯底拉麵揀之外 仲有沾麵或者其他主食可以揀👍🏻但我今次選擇試咗個醬油豚骨拉麵先 而小食方面 就叫咗炸雞同埋炸八爪魚球 值得一提嘅係 呢間雖然主打係拉麵 但佢嘅小食都唔少 賣相亦不錯 搞到我樣樣都想叫黎試下🙄先講講醬油豚骨拉麵 豬骨湯底濃郁 叉燒肥瘦適中 麵底都唔錯！夠爽口 唔會太淋！五分係滿分嘅話 我會比佢四分😋😋跟住係炸雞 外脆內軟 本身已經夠味嘅 但我會再加小小七味粉調味 一流！最後係炸八爪魚球 我最欣賞之處係 八爪魚球上有好多木魚絲（見圖）！平時食開嘅日本餐都好孤寒唔會比咁多😂😂但味道依然無令我失望 我會比四分佢 一分失在入面個餡可以再多dd🤤 有機會一定會再黎試其他嘢食！